Novëmber, 2023
La Musiga d’La Pli de Mareo á onoré la vernissaja dl marcé da Nadé tla capitala austriaca, adöm a na delegaziun ofiziala dla Provinzia y dl Comun de Mareo
De November s’á arjigné la plaza dl Comun da Víena al tëmp plü scür y chît dl ann, se iluminan te na parüda particolara y ligrëza gnüda da dalunc: le bel lëgn da Nadé é gnü dai Tamersc te Mareo. Al é n peció alt 28 metri y vedl 115 agn, porchël vál derevers ai tëmps canche le raiun ladin fajô pert dla monarchia austro–ungarica.
La Musiga d’La Pli de Mareo sot la presidënza de Georg Rigo y direziun de Fabian Taschler á tut sö l’invit da pert dl Comun da Víena da jí y ester söl post canche les löms söl gran lëgn se impiâ por le pröm iade. Incër 50 é stades les musicantes y i musicontri d’La Pli de Mareo jüs para cun la coriera por incoroné chësc evënt dla iluminaziun dl lëgn cun les melodies tradizionales y les trohtes che liëia culturalmënter nosc raiun cun Víena. Le iade é sté n sëgn y na reconescënza dla storia deboriada, y dl lian danter Balsan y Víena.
An á ince tut l’ocajiun da passé empü de tomp adöm y ensciö esun stés endöt trei dis a Viena. Danter ciaré le ciastel de „Schönbrunn“, jí al Prater y ciaré la cité, án ince albü tëmp da sté adöm y fá val‘ matades. Al é sogü sté en be iade, a chël che düc se recordará zoruch ienn.